Deialdia, hautaproben bidez izangaien zerrenda bat osatzeko, administrari lanpostuak betetzeko (C maila).

Organo kudeatzailea:

Burlatako Udala.

Deialdiaren xedea:

Deialdia, hautaproben bidez Burlatako Udalerako C mailako administrari lanpostuak betetzeko izangaien zerrenda bat eratzeko.

Eskatzaileak:

Eskabideak aurkezteko epea amaitzen den egunean deialdiaren oinarrietan ezarritako baldintzak betetzen dituzten izangaiak.

Dokumentazioa aurkezteko epea:

Dokumentazio hori aurkezteko epea 2026ko maiatzaren 11n  (egun hori barne).

Baldintzak:

a) Espainiarra izatea, edo Europar Batasuneko estatu kide batekoa, edo Europako Erkidegoak izenpetu eta Espainiak berretsitako nazioarteko tratatuen aplikazio-eremuko estatu batekoa, langileen zirkulazio askea aplikatzekoa dena; espainiarren eta Europar Batasuneko beste estatu kide batzuetako nazionalen ezkontideek ere parte hartu ahal izango dute, baldin eta zuzenbidetik bereizita ez badaude, bai eta haien ondorengoek eta ezkontideenek ere, baldin eta zuzenbidez bananduta ez badaude, 21 urtetik beherakoak edo adin horretatik gorakoak badira eta beren kontura bizi badira.

b) Hamasei urte beteta izatea eta nahitaezko erretirorako gehieneko adina ez gainditzea.

c) Dagozkion eginkizunak betetzeko behar den gaitasun fisiko eta psikikoa izatea.

d) Honako titulu hauetakoren bat edukitzea, edo lortzeko moduan egotea eskabideak aurkezteko epea amaitzen den egunean (titulu horiek eskuratzeko eskubideak ordaindu izanaren gordekina):

• Administrazio eta finantzetako goi-mailako titulua edo baliokidea.
• Zuzendaritzari laguntzarako goi-mailako titulua edo baliokidea.

Atzerrian lortutako titulazioen kasuan, homologazioa egiaztatzen duen egiaztagiria eduki beharko da.

f) Funtzio publikoak betetzeko ezgaitua edo gabetua ez egotea eta edozein administrazio publikoren zerbitzutik bereizia ez izatea.

g) Derrigorrezko euskara duten plazetarako kontratuak lortu nahian, C1 euskara-titulua edo baliokidea dutela egiaztatu beharko da.

Izangaiek deialdiaren 1. oinarrian jasotako baldintza guztiak bete beharko dituzte eskabideak aurkezteko epea amaitzen den egunean.

Tasak ordaintzea: 10,30 euro (hala badagokio) kontu korrontean: ES29 2100 5256 6722 0003 0756 (CaixaBank)

Izangaiek eskabidearekin batera aurkeztu beharreko dokumentazioa

1. II. eranskina (eskaera), behar bezala beteta eta sinatuta.
2. Desgaitasunaren kasuan, erakunde eskudunak emandako egiaztagiriak.
3. Hautaketa-prozesuan parte hartzeko eskubideen tasa ordaindu izanaren egiaztagiria, edo ordainketaren salbuespena egiaztatzea.
4. Titulazio akademikoa:

• Administrazio eta finantzetako goi-mailako teknikaria.
• Zuzendaritzari laguntzeko goi-mailako teknikaria.
  Edo Hezkuntza Sistemaren Lege Organiko Orokorrean (LOGSE) eta Hezkuntzari eta Hezkuntza Erreformaren Finantzaketari buruzko abuztuaren 4ko 14/1970 Lege Orokorretik eratorritako araudian jasotako titulazio baliokideren bat.

5. Euskarako C1 titulazioa edo baliokidea, derrigorrezko euskara duten plazetarako kontratazioak jaso nahi dituztenek.

Aurkezteko lekua:

Egoitza elektronikoaren izapide honen bidez, bertan ezarritako jarraibideei jarraituz.