Organo kudeatzailea:
Burlatako Udala.
Deialdiaren xedea:
Gizarte-langile izateko 2 lanpostu (B maila) oposizio-lehiaketa bidez betetzeko deialdia.
Eskatzaileak:
Eskabideak aurkezteko epea amaitzen den egunean deialdiaren oinarrietan ezarritako baldintzak betetzen dituzten izangaiak.
Dokumentazioa aurkezteko epea:
Dokumentazio hori aurkezteko epea 2026ko irailaren 2an amaituko da (egun hori barne).
Baldintzak:
a) Espainiako nazionalitatea, Europar Batasuneko estatu bateko nazionalitatea edo Europako Erkidegoak izenpetu eta Espainiak berretsitako nazioarteko itunen aplikazio-eremuaren barruko estatu bateko nazionalitatea izatea, langileen zirkulazio askea kontuan hartuta.
Halaber, Espainiako nazionalitatea, Europar Batasuneko estatu kide bateko nazionalitatea edo aipatutako nazioarteko tratatuen aplikazio-eremuan dauden estatuetako nazionalitatea duten pertsonen ezkontideek parte hartu ahal izango dute, baldin eta zuzenbidez banatuta ez badaude, bai eta pertsona horien ondorengoek eta ezkontidearen ondorengoek ere, baldin eta zuzenbidearen arabera bananduta ez badaude, 21 urtetik beherakoak badira edo adin horretatik gorakoak badira eta beren kontura bizi badira.
b) Hamasei urte beteta izatea eta, hala badagokio, nahitaezko erretirorako gehieneko adina ez gainditzea.
c) Gizarte Laneko Graduko edo Gizarte Laneko Diplomaturako unibertsitate-titulua edo baliokidetzat jotako titulua izatea, edo lortzeko moduan egotea eskabideak aurkezteko epea amaitzen den egunean.
Atzerrian lortutako titulazioen kasuan, homologazioa egiaztatzen duen baliozkotzea edo egiaztagiria eduki beharko da. Baldintza hori ez zaie aplikatuko lanbide arautuen eremuan Europako Erkidegoko Zuzenbideko xedapenen babesean lanbide-kualifikazioaren aitorpena lortu duten izangaiei.
d) Haurrak eta Nerabeak Babesteko Sistema aldatzen duen uztailaren 28ko 26/2015 Legearen arabera, gizarte-langilearen lanpostua betetzeko, ezinbestekoa da sexu-askatasunaren eta sexu-ukigabetasunaren aurkako delituren batengatik eta gizakien salerosketagatik epai irmo bidez kondenatua ez izatea. Betekizun hori egiaztatzeko, Sexu Delitugileen Erregistro Zentralaren ziurtagiri negatiboa aurkeztu beharko da, abenduaren 11ko 1110/2015 Errege Dekretuan arautua.
e) Dagozkion eginkizunak betetzeko behar den gaitasun fisiko eta psikikoa izatea.
f) Funtzio publikoak betetzeko desgaitua edo gabetua ez egotea eta administrazio publiko baten zerbitzutik bereizia ez izatea.
g) Azterketa-eskubideengatiko tasa ordainduta izatea edo tasa ordaintzetik salbuetsita dagoela egiaztatzea.
Promozio txandako izangaiek bete beharreko baldintza espezifikoak:
Txanda honetako izangaiek, aurreko atalean adierazitako baldintzez gain, honako hauek ere bete beharko dituzte:
a) Nafarroako edozein administrazio publikotako langile finkoa edo Nafarroako Foru Komunitatera transferitutako Justizia Administrazioko zerbitzuei atxikitako langile finkoa izatea, eta borondatezko edo nahitaezko eszedentzian ez egotea, salbu eta borondatezko eszedentzian dagoen pertsona deialdia egin duen administrazio bereko beste lanpostu finko edo aldi baterako batean ari bada lanean.
Nafarroako Administrazio Publikoen zerbitzuko Langileen Estatutuaren zortzigarren xedapen gehigarrian xedatutakoa aplikatuz, Nafarroako Parlamentuko funtzionarioek ere parte hartzen ahalko dute promozio txanda horretan, baldin eta txanda horretan parte hartzeko eskatzen diren gainerako baldintzak betetzen badituzte.
b) Deitutako lanpostu hutsen maila berekoa edo beheragokoa izatea.
c) Administrazio publikoetan bost urteko antzinatasuna aitortua izatea, Nafarroako polizia-kidegoetako kideek izan ezik, horiek zortzi urtez jardun beharko baitute kidego horietan.
Izangaiek deialdiaren 2. oinarrian jasotako baldintza guztiak bete beharko dituzte eskabideak aurkezteko epea amaitzen den egunean.
Tasak ordaintzea: 40,00 euro (hala badagokio) kontu zenbaki honetara: ES29 2100 5256 6722 0003 0756 (CaixaBank)
Izangaiek eskabidearekin batera aurkeztu beharreko dokumentazioa:
1. Alegatu nahi diren merezimenduen fotokopia, deialdi honen III. eranskinaren arabera.
2. % 33ko desgaitasuna edo handiagoa duten izangaiek honako agiri hauetako bat aurkeztu beharko dute desgaitasuna egiaztatzeko:
– IMSERSOk edo autonomia-erkidegoko organo eskudunak emandako ziurtagiria.
– Gizarte Segurantzako Institutu Nazionalaren ebazpena, ezintasun iraunkor osoagatiko, absolutuagatiko edo baliaezintasun handiagatiko prestazioa jasotzeko eskubidea aitortzen duena.
Desgaitasunen bat duten izangaiek probak egiteko behar dituzten denbora eta bitartekoen egokitzapenak eskatzen badituzte, eskatutako egokitzapena edo eskatzen duten denboraren eta/edo bitartekoen doikuntzak zehaztu beharko dituzte horretarako prestatutako espazioan. Horretarako, izangaiak egokitzat jotzen duen dokumentazioa aurkeztu ahal izango du.
3. Hautaketa-prozesuan parte hartzeko eskubideen tasa ordaindu izanaren egiaztagiria, edo ordainketatik salbuetsita egotearen egiaztagiria.
Aurkezteko lekua:
Egoitza elektronikoaren izapide honen bidez, bertan ezarritako jarraibideei jarraituz.
